من طرف Boss الأحد نوفمبر 01, 2009 5:03 pm--------------------------------------------------------------------------------
كيف يتميز المواطن السوري عن باقي شعوب العالم
بيفهم في الطب وبيشخص المرض ويوصف الدواء وبيفهم في الكهرباء وتصليح السيارات والطبخ والسياسة والطابة والعمار وكل شي بيخطر ببالك
· عنده منقل شوي للرحلات يستخدمه مرة واحدة او 3 مرات ان كترت
· بيفكر ان أي حدا بيشتغل في الخليج بيغرف مصاري من غير حساب وأغنى واحد في الدنيا
· بيكون مشغول بقيمة البخشيش طول العشا ..... يا ترى أعطي 25 ولا 50 ؟
· بيفرش شرشف التخت على طقم الكنب منشان ما يتوسخ ولما يجو الضيوف بيترك الشرشف
· بينتظر بفارغ الصبر بياع المحارم أبو : ال 7 بمية والمحارم ليمون لشهرين عالأقل
· اذا ركب تكسي .... طول الطريق عم يطلع عالعداد
· بيحط الريموت كونترول بكيس نايلون حتى ما يتغبر وتروح الأرقام
· بيوقف يتكلم على الباب نص ساعة بعد انتهاء الزيارة والسلام
· في خزانة المطبخ عنده عشرين قطرميز فاضي منشان اذا احتاج يستخدمها ومازال مصر على جمع المزيد
· بيجي بعد الموعد ساعتين دون ان يعتذر
· بيحكي بصوت عالي في المكالمة الدولية منشان التاني يسمعه
· بيعتبر حاله أفضل واحد في الشراء والمفاصلة بعدين بيكتشف ان المحل الي جنبه ارخص من غير مفاصلة
· بيحتفظ بأكياس محلات اللبس والأحذية وورق الهدايا تحت الفرشة لسنوات من مبدأ : آلما يلزموا.
