من طرف Boss الأحد نوفمبر 29, 2009 9:15 am--------------------------------------------------------------------------------
--------------------------------------------------------------------------------
إبليس: لك أي شبك يا زلمة ماسكها حنبلية و ماشي
الموظف:ما فيني أسرق طيب وربي ما بدي أتحاسب؟؟
إبليس:لك يا أخي الله بسامحك إن الله غفور رحيم و بعدين روح شوف حالتك صارت بالويل
الموظف:بس أنا الحمد لله الله كافيني و ساترها عليي
إبليس:لك ما اختلفنا بس يعني اطلع على حالك كيف عايش و شلون بتجي بالمكرو و ما معك حق حليب لولادك لك حتى ما فينك تاخدهن لعند الدكتور و إذا طلع من أمرك شي بتاخدهن عالمستوصف و بتجبلهن دوا ببلاش من المستوصف نفسه بينما شوف مديرك بيجي بهالمرسيدس المكيفة و ولاده مو محرومين من شي لا صغير و لا كبير و ما بياخدهن ألا على أحسن المستشفيات و بيعملهن فحوصات شاملة و دورية و و و....... أي شو بدي عدلك لعدلك
الموظف:طيب كيف بدي أسرق؟؟
إبليس:لك أي مين شايفك و بعدين مين رح يحس عليك حط راسك بين هالروس و قول يا قطاع الروس و بعدين أنا ما عم قلك دائما أسرق بالعكس بس هالمرة و بعدين بتوب
الموظف:خلص على قولتك
و بعد مرور 10 أعوام
إبليس:لك يخرب بيتك لك شو صرلك لك علمناك على الشحادة سبقتنا عالبواب
الموظف سابقا المدير حاليا:لك أنا......
إبليس:لك أنت شو أنا عم وسوس لغيرك لحتى يسرق بيرجع لعندي بقلي ما ضل شي لحتى أسرقه أي المدير ما خلى لحدا شي
بس بتعرف شغلة أنو أنت من أحسن العالم يعني أنا بس سلمتك طرف الخيط و أنت شقيت طريقك لحالك.....يا عصامي.
_____________________ __________ _______________
إبليس:لك أي شبك ماسكها حنبلية و مخلي حياتك أبيض و أسود روح انبسط خليها بالألوان روح اشراب مع رفقاتك كم كاس
الشاب:أعوذ بالله شو أشرب ما أشرب أعوذ بالله
إبليس:لك شو فيها يعني كلها قنينة بيرة فيها 8% كحول يعني إذا بتشرب خمس قناني ما بصرلك شي فكيف إذا شربت بس وحدة
الشاب:طيب بس وحدة
بعد مرور 10 أعوام
إبليس:لك شو صايرلك ما عم تترك لا ويسكي ولا تكيلا و لا حشيش لك يخرب بيتك
الشاب سابقا الختيار حاليا:لك ليش أنا شو ساويت؟؟
إبليس:أنت أنت ما عاد خليت لحدا شي بعدين على يلي عم يصير فيك من الشرب و التحشيش و المخدرات ما حدا عم يرضى يصير متلك و صرت بالعكس مثال للشي السيء يلي بيحصل إذا الواحد شرب أو تعاطى لك بطل الله يخليك بطل
__________________ _______________ _____________
و هكذا أخواني بمناسبة قدوم شهر رمضان المبارك الله يبلغنا ياه بالخير
جميعنا نعلم أن الشياطين تصفد بهذا الشهر الكريم فنقول أننا سنكون أفضل من أي وقت مضى مع ربنا و كأن كل ذنوبنا هي فقط من إبليس و من وساوسه وليست من أنفسنا إن إبليس له دور كبير و لكن نحن لنا الدور الأكبر طبعا لأننا نحن من نقرر ماذا نفعل و اعذروني للإطالة......
بسم الله الرحمن الرحيم
وَقَالَ الشَّيْطَانُ لَمَّا قُضِيَ الأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِي عَلَيْكُمْ مِنْ سُلْطَانٍ إِلا أَنْ دَعَوْتُكُمْ فَاسْتَجَبْتُمْ لِي فَلا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِنْ قَبْلُ إِنَّ الظَّالِمِينَ لَهُمْ عَذَابٌ أَلِيمٌ
صدق الله العظيم
