من طرف Boss الخميس نوفمبر 26, 2009 4:52 pm--------------------------------------------------------------------------------
أعتقد وبكل صراحة نعم إنه مجتمع غبي وبامتياز والديليل على ذلك هو النتاج الذي فرضه سوء التربية .....دعونا نتناقش في الأمور التالية وسأطرح مجموعة من الأمثلة دون أن أعلق فالتعليق لكم
أولاً سياسة التخويف
الأب والأم لأبنهم لا تسرق ماشي الله بياخدك على النار
- لازم تنام هلق ماشي البعبع بياكلك
الأستاذ لتلاميذه يلي مابيجي بكرا حافظ الدرس بدي أضربو بالعصاي
سائق التكسي للراكب حط حزام الأمان ماشي الشرطي بيخالفك
سائق الميكرو لأ تدخن فيها مخافة 500 ليرة عليك
سائق ميكرو للراكب مافيني وقفك هون لأنو بيخالفني الشرطي
موظف لموظف تاني جديد لا تشرب متة لأنو المدير عم يخصم من راتب كل واحد بيشرب متة
وكمان بيخصملك من راتبك إذا تأخرت الصبح
مراهق لرفيقه مافيني أتأخر لأنو البابا والماما بيقتلوني إذا تأخرت
وشغلات كتير لا تحصى من هل النوع
ثانياً سياسة المخالفة والتطنيش
شخص لصديقه لاتمر من هون لأنو ممنوع المرور فيجيب الآخر طنش يازلمة
لا تكب المحرمة بالطريق فيجيب طنش يازلمة مانك شايف الوسخ بالطريق
وقف على الدور فيجيب لسا بدي أنطر أنا حربوق وبزبط حالي
ولا تعمل ولا تتجيب ولا ..........طنش يازلمة
سياسة الها علاقة بالتربية
المسدسات صارت منتشرة بكل المحلات وأنا كتير بنبسط وقت يلي بجبلو مسدس لأبني وبيقعد يقوس
ويلعب بالحرب وصا رالمسدس شغلة كتير طبيعية وفي كتير ولاد مسكت مسدسات حقيقية على أنها لعبة وأرتكبت جرايم وهيي مو فهماني شي
الابن لأبيه بابا بدي أتفرج على برامج الأطفال فيجيب الأب اي بابا طول بالك شوي بس لتخلص الأخبار وطبعأ الولد بينطر أبوه ليخلص وبيصير يتفرج معو ع الأخبار ومتل مامنعرف أنو الأخبار كلها دم وقتل وشغلات بتخلي الكبير مدري شو بيصرلو (وشف هل الولد يلي ناطر على شو عم يتفرج)
الأبن لأبيه عطيني مصاري بدي أنزل ألعب بالكمبيوتر في لعبة استراتيجيي حربيي جديدي, فبيعطيه الأب مصاري ليلعي وليخلص من نقو
ومو مشكلة إذا قتلتو للولد أو ربطو أو رفعتو فلقة إذا ماجاب علامات منيحة بالفحص
وغيرو وغيراتو والله تلفت أعصابي وأنا عم أكتب
فشو رأيكن نحنا أرهابيين بحق نفسنا ولا لأ
وفينا نحط أمثلة تانية إذا حبتو ونجمعهن بالأخير بموضوع كامل عن هي الممارسات السلبية
وآخر شي رح قول مثل كتير متداول عنا
(يلي ببلاش كتر منو)
