من طرف Boss الجمعة نوفمبر 06, 2009 4:59 pm--------------------------------------------------------------------------------
كان الأرنب ماشي بالغابة وعم يدوّر على شي شغلة بتتاكل وفجأة
-- إيه شوهاد
وصار الأرنب ينط وما يحط
- جزر , دفعة وحدي جزر , يا سلام , ومي
اقترب الأرنب من الوعاء الزجاجي , وأخد نفس
- الله عرق , عرق وجزر ياسلام , طابت السكرة يا أرنوب لمين بيصير هيك وليمة , خدلك بالأوّل كاس كاسين عرق وبعدين لاحق عالجزرات
وقعد أرنوب يشرب من العرقات , كاس.......... كاسين , ...تقل راسو وراحت عليه نومة
هاه دقيقتين تلاتة , شرف الواوي أفندي , طلع هيك
-- ياسلام ياسلام , أرنوب وخمر , شو هالحظ شو , اللي حظ مالو لا يتعب ولا يشقى ,
طلّع بالأرنوب , ابتسم
- لا حقلك يا أرنوب , بالأول مناخدلنا كاس كاسين وبعدين عليك خير
شربلو كاسين تلاتي ولحقو لأرنوب وراح نايم جنبو
شوي و اللا الأسد
...........
......
تلات أربع كاسات لحق الشباب الطيبة وراح نايم جنبون
بعد شوي شو صار ... شو , طبعا فاق أرنوب , وصار يتمطمط , يمين يسار . فكر شوي يتذكر شو صار معو , وهز راسو لفوق ولتحت وابتسم ملء شدقيه وهوي عم يتطلع بسخرية من الواوي والأسد
وقال
تاريك يا أرنوب مانك هين وما سهل بس تشرب كاس بتصير تضرب بلا وعي
